Lebuh orang kelia bisi ninga siko sida sarumah ngejang pegi naban ke ari,luya lela batang keramba,lesi ambi nadai beranti,ketegal dibai petara pulai ke langit mingkai,dambi emperaja buya ke dampa.Diak sida segaut nuju bilik ke rabat ke tusah alu bepun mupuk ngiga bayya ka nadai tadi.Udah tembu diengkira ka bayya diak pengepun genap sida sebilik ia meseti merakak tubuh ia ke nadai,semina anak mit enggau indu atai kain ba bilik enya aja enda tau merakak bangkai ke nadai nya laban sida ka alah bulu.Bisi ga adat nadai merakak bangkai laban nitih pengering orang ke nadai nya suba.Enti orang ke nadai nya endang beberita endang tampak kering baka Keling Gerasi Nading diak maioh amai orang katuai katuai ti bedau idup tadi alu merakak senentang kaki ia ngica semengat ia ulih meda peturun ia ila mega sereta ngasuh semengat ia nikal enti empai atai ba sebayan gelena.Bisi ga kaduak katuai tauka menantu sida sebilik merakak bangkai ketegal ka basa mega.Enti orang beberita sigi diperakak ba kaki alu dipusin genap bangkai ia mega danji kala bulih pala munsuh sigi digaga bakanya agi kelia.Tu endang adat orang kelia.Maioh kitak ke rebak baru enda nemu reti adat tuai tu kediato.Udah nya diak bangkai ke nadai tadi alu ka dipansut ka ruai laban sigi ba ruai ka diintu mega,diak bangkai nya ka disapat tinggi ngena pua kumbu.Kala meda mega bangkai di intu ba bilik enti ia ke parai nya orang beberita ba pengap ba betenun ba turai pengidup diak ka diintu ba bilik.Nyadi enti bangkai enya diintu ba ruai diak senentang bangkai nya ka disapat laban ngenangi mayau tauka jelu bukai merakak bangkai ti ngujung semua jelu ke idup enda tau sesekali merakak bangkai ke udah gali ba ruai mega.Kabuah jelu enda tau merakak bangkai nya laban semengat jelu nya ka tama agai tubuh ia ke parai nya mega.Kala meda mensia ia ke parai angkat alu bediri alu ngagai mensia ke nyengai ia,meda enda ulih diak ia alu ngiga manok alu makai manok ba baruh rumah,nasib maia sida nibar ngena jala ba bangkai ke idup nya diak sida alu nambat bangkai nya laban ke nganti manang tauka beliau ti datai ngadu pengawa ngemulai semengat mayau nya agai tubuh mayau nya.Agi diato pen adat nya enda tau dikelangkah laban utai enya ukai ulih ditundi.Tau ga nguji,ambi mayau celum alu asuh merakak bangkai.Diak kitak ka meda bangkai enya angkat sereta ia ngerising ketawa diak ia alu bejalai baka zombie nya.Ba nembiak redak baru ngumbai zombie enya movie tang realiti ia utai nya endang amai kala nyadi ba bangkai ti udah parai ia alu diperakak mayau celum diak bangkai nya alu idup tang ia ngelala sapa kitak ka ia diri sebilik,enti ulih dipegai ia sigi dempa ia mega.Ba adat kitai iban kelia,lebuh pemarai ia nya diperakak mayau diak pemarai nya enda manah alu enti pemarai ia idup pulai ari pendam diak pemarai enya manah alu ka diintu genap piring ading mega.Nya alai menya ukoi sigi ditancang ba rekung alu ditambat ba tanju sereta pintu ruai ka ditambit,alu mayau ka dikurung ba sankar laban ngenangi ia sesipa bebitau mega.Manok sigi dikurung ba sankar manok mega alu palan ba ruai ia ke mati nya gali ka digaga baka khemah mega.Diato adat besapat tusah endar dipeda laban diato rumah panjai nadai ukoi enggau mayau mega.Nya aja kenang aku ke pagi tu samoa.
