Penatai Bansa Remun
Iban remun dalam pertengahan abad ke 16 sekeda ari raban iban (Iban Remun, Iban Sebuyau, Iban Balau) ti berangkat ari batang Kepuas. Bala remun tu mudik Labuyan ngagai ulu batang ai diau ba lubuk Baya Tapang peraja, udah nya sida ngili batang ai lalu diau ba Bukit Temuduk Sri Aman betuaika Beh enggau Banteh. Udah nya sida pindah ngagai Sungai Krang Ulu Sungai Sadong berimba bumai betaun ngasu beburu. Bepechah sida ke Melikin ngagai tembawai Minggang rumah Panjai. Berapa Taun udahnya datai dua iko tuai nama kekai enggau Engkabi lalu diau enggau sida. bepechah baru sida kekai enggau Engkabi lalu begiga menua baru lalu pindah ngagai Nanga Kedup lalu betemu enggau Damu enggau Panjang. Bala sida Kekai enggau Engkabi bejalai baru nuju Bukit Semuja, lalu tetemu ka
Terjun Pancho Asu, ba ulu sungai Remun ka alai sida bepalan. Ari nya sida lalu niki bukit Remun tempat benama Selapak endur durian madu ka diatu. Udahnya sida ngulu sungai Kerang datai ba nanga sungai Engkuan lalu Mudik datai ba nanga sungai Remun. Sida meda burung rauh rauh ngagau”remun, remun, remun” ba pucuk kayu. Kayunya pan dikumbai Kayu remun. Baka ka diatu bansa Iban remun kisi 27 buah Kampung. Kampung Lebur, Remun, Tribuh, Belimbin A, B, Semukoi, Liun, Kersik, Serawak, Kerupok, Engkabang, Meboi, Junggu Mawang, Batu Kudi, Bayur, Sepan, Tanah Mawang, Tipin, Menyan, Bunut, Krangan trusan, tekalong, Engkatak enggau Antayan.
.
 ti berangkat ari ...){kind=link}