Menya kelia bisi siko mensia bebansa Iban tetemu ke ukoi dua iko laki bini lebuh ia tesat ba kampung puang.Nyadi meda ukoi ke laki tu lapar sereta ukoi ke indu telih ba kaki diak ukoi ke laki tu tadi engai jauh ari ukoi ke indu tu tadi.
Laban ngembuan ati sinu diak mensia tu tadi ngemai ukoi dua iko melaki bini pulai ke rumah panjai kin.Datai ba rumah panjai diak mensia tu ngintu naka penyinu engau dua iko ukoi to tadi.Alu dberi ia penama,nyadi ukoi ke indu dberi nama Nawih engau ukoi ke laki dberi nama Ijeh.Bepun ari tu meh kitai ke Iban kelebih agi bisi ngembuan ukoi sampai ke sarito.Keno jerita ensera tuai ti kala ditusi niang aki Berindin ukoi to meh penampung umur kitai mensia nyadi panjai.Pulai gai jerita tadi diak kira setaun Nawih engau Ijeh engai misah ari tuan ia mensia tadi ngujung seduai ia nitih kini penunga pejalai tuan seduai ia nya.Nyau bisi 2 tahun alu betengan bulan tahun sitik dak diak bala mensia alu bumai diak seduai ukoi to nitih ke tuan ia ngau bini tuan seduai bemalam ba langkau umai maia nya laban ka nyaga benih padi tadi ari dempa burung ngau dsungkur jani tadi.Nyadi enda mukai mukai ke lemai ari tuan ia ke laki tak luput enda ngeleda ngenyit laban kelia ukai bisi sepital.Alu midang lelang tepejuh ke menua aki manang Andoh meh tuan seduai ia tadi. Meda kenya diak bini tuan ia tadi nyabak senyabak maia malam nya ngujung ukoi dua iko tu pen sinu nyau pansut ai mata seduai ia ninga penyinu sada nyawa sebana bini tuan seduai tadi.
Meda kenya ukoi dua iko to tadi nyalak merong ke langit madah penyinu.Nyau pemuas seduai merong diak seduai alu luput tang enda ditemu bini tuan ia laban seduai ia merong ba tanju.Nyau ke pagi maia agi gelam petang tegayam malam diak bini tuan ia nyau tindok ngimbai bangkai laki ia empu.Lebuh ia tindok diak ia bermimpi tepeda ke laki ia empu benung betunga engau dua iko mensia,siko indu siko lelaki.Ia alu duduk ngimbai laki ia empu alu diberap ia tadi engau sabak sabak madah agai laki ia anang ningal ke ia.Diak laki ia madah agai ia tak nangka nya aja meh seduai ia begulai ba dunya laban umur ia ka dibatak petara Batara nya lebuh ia nyadi aki maia anak tuai seduai bisi ucu meniga aja.Nyamai agi dulu mati ko ia ari kenya.Meda kenya diak seduai temuai ditunga seduai ba dalam mimpi alu bejako.
"Baka to tuai,enti ulih aku ka nampung umur di kepanjai agi ngica dik ulih parai tuai jemah ila". ko ke laki nya bejako tadi muka licha agai seduai ia nyadi laki temuai tadi madah.
"Endai,sapa dik meh uwai madik bangat ka amai nampung seput aku bakanya".ko ia.Diak lelaki temuai madah saduai ia melaki bini kala begulai engau seduai ia mensia sekumbang idup dunya tadi enyau ka mangai ke tiga tahun ko saduai ia diak bini temuai nya tadi alu nusi sekumbang saduai idup ba dunya seduai melaki bini madah penyinu seduai ia ke nyadi mensia ba dunya gai seduai ia cukup manah,diberi intu naka penyiru nya alai ko laki temuai tu bejako ka nampung umur anak mensia ngena umur seduai ia ti nyadi temuai nya.Nyadi temuai tu udah madah agai Petara.Alu Petara Batara ngemendar peminta dua iku temuai tu engau penemu seduai ia temuai to tadi ia nya ngemandak ka umur seduai pandak mina mangai umur seduai ia ke 30 tahun aja ko temuai to madah.Meda utai nyelai di padah temuai tadi diak bini mensia to nanya sapa seduai ia tu ke batang amai.Diak temuai ke indu nyaut madah seduai ia to Bunsu Caok ti nyadi ukoi ti dberi seduai ia penama Nawih enggau Ijeh.Nyadi laban seduai ia mensia udah meda seduai nyeruga nyadi ukoi alu nyeruga nyadi mensia diak seduai madah seduai bado begulai engau seduai mensia melaki bini tadi alu madah seduai ia ngirum ucu ia ke laki engau bini ucu ia nyadi ukoi ke seduai ia nya ila nganti semengat ba tubuh ukoi ti luput ba tanju tadi.Maia nya diak Bunsu Ukoi bisi madah sapa kitai mensia bisi buya makai tauka ngemedis purih pantih ukoi jemah ila sida sigi jampat pandak umur sereta sial sumur idup.Pia mega ia madah enti anak mensia engai beguna ke sida ia agi anang nyatik sida sepeneka ati laban penulah kitai mensia sigi bisi di satik mensia kebukai ba jemah ila.Pia mega enti mensia udah engai beguna ke ukoi agi sida tau nating ukoi ba dalam ai alu mensia meseti ngubur sida ba tanah.Pia mega enti sida dulu mungkar jai engau mensia sida tau dibunuh engau beradat ia nya ukoi nya tau ditating ba dalam sungai din.Pia mega enti kitak mensia ti makai daging purih pantih ari aku kitak ka nunda ulah pendiau sida ukoi jemah ila.Nyadi pagi seduai melaki bini tedani alu terpeda ke ukoi ba tanju ti benung gauk ke pangan diri.Ke tengahari seduai ia alu mupok pulai baru ke rumah panjai.Bepun ari ukoi to meh nyau betelesak nyadi maioh anak ucu icit ukoi tadi alu dkembuan kitai ke bangsa dayak kdiato..Keno jerita tuai orang ke dulu nemu ukoi to agi bedau idup ke sarito tang ba dini alai ia kitai sama enda nemu,mina PETARA ti nemu sapa ia nya..nya mitos kitai dayak ti enda ulih di serungkai ke kitak.Aku kala ngelai maioh jako Bunsu Caok to amai lebuh meda ulah gaya mensia kediato laban bisi nyatik engau makai daging purih pantih ia..Angka amai kini mitos to neh kaban??Ntah meh to mitos misteri bangsa kitai..
Bepun ari tu meh kitai mensia nyau ulih panjai umur laban dtampung umur ari umur ukoi.Nyadi kami sigi ari kelia dpekat niang aki enda tau nyatik ukoi sereta enda tau makai daging ukoi laban purih pantih kitai dayak sigi enda tau buya makai daging tu ari kelia tang lebuh penatai bangsa bukai bisi ga bala dayak dpeda ku makai daging tu laban ka nyepi daging nya.Ku enda komen pasal tu tang purih pantih kami sigi ku tagang magang makai daging bala bunsu caok tu..Au.Nya aja ari.
